កម្មករ​រោងចក្រ​​៣​ក្នុង​ខណ្ឌ​ពោធិ៍សែនជ័យ​តវ៉ា​នៅ​មុខ​រោងចក្រ​ដោយសារ​ថៅកែ​រត់​ចោល

ដោយ មាន ឫទ្ធិ
2018-02-09
អ៊ីម៉ែល
មតិ
Share
បោះពុម្ព
កម្មករ​នាំ​គ្នា​តវ៉ា​មុខ​ច្រក​ចេញ​ចូល​រោងចក្រ អ៊ីហ្វា ក្នុង​ខណ្ឌ​ពោធិ៍សែនជ័យ កាល​ពី​ព្រឹក​ថ្ងៃ​ទី​៨ ខែ​កុម្ភៈ ឆ្នាំ​២០១៨។
កម្មករ​នាំ​គ្នា​តវ៉ា​មុខ​ច្រក​ចេញ​ចូល​រោងចក្រ អ៊ីហ្វា ក្នុង​ខណ្ឌ​ពោធិ៍សែនជ័យ កាល​ពី​ព្រឹក​ថ្ងៃ​ទី​៨ ខែ​កុម្ភៈ ឆ្នាំ​២០១៨។
Photo from Facebook

កម្មករ​រោងចក្រ​កាត់ដេរ​ចំនួន ៣ ក្នុង​ខណ្ឌ​ពោធិ៍សែនជ័យ រាជធានី​ភ្នំពេញ នៅ​ព្រឹក​ថ្ងៃ​ទី​៨ ខែ​កុម្ភៈ បាន​នាំ​គ្នា​ធ្វើ​កូដកម្ម​នៅ​មុខ​រោងចក្រ​រៀងៗ​ខ្លួន ក្រោយ​ពួកគេ​ដឹង​ថា ថៅកែ​របស់​ពួកគេ​បាន​រត់​ចោល​រោងចក្រ​ដោយ​មិន​ទាន់​ទូទាត់​ប្រាក់​ឈ្នួល​ឲ្យ​កម្មករ។

ក្រុម​កម្មករ-​កម្មការិនី​ទាំង ៣​រោងចក្រ មាន​ចំនួន​ប្រហែល ១.៥០០​នាក់ បាន​ឈរ​តវ៉ា​នៅ​មុខ​ច្រក​ទ្វារ​រោងចក្រ ដើម្បី​សម្ដែង​ការ​ខឹងសម្បា​ចំពោះ​ថៅកែ​រោងចក្រ។ ពួកគេ​អះអាង​ថា ថៅកែ​ធំ​របស់​រោងចក្រ​ទាំង​៣​នេះ គឺ​ជា​មនុស្ស​តែ​ម្នាក់ គឺ​ជា​ជន​ជាតិ​ចិន ហើយ​បាន​រត់​ចោល​រោងចក្រ​ជា​យូរ​មក​ហើយ ខណៈ​កម្មករ​ទើប​ដឹង និង​នាំ​គ្នា​តវ៉ា​ភ្លាមៗ​តែម្ដង។

រោងចក្រ​ទាំង​៣ ដែល​ថៅកែ​រត់ចោល​កម្មករ ដោយ​មិន​ទាន់​ទូទាត់​ប្រាក់​ឈ្នួល និង​ប្រាក់​បំណាច់​មាន​រោងចក្រ អេហ្វ.អ.អ៊ី. ហ្គាមេន (FRE Garment) និង​រោងចក្រ យូដា ហ្គាមេន អ៊ិនដាស់ស្ទ្រាល (UDA Garment Industrial) មាន​កម្មករ​ជាង ៧០០​នាក់ ស្ថិត​នៅ​ភូមិ​ត្រពាំងជ្រៃ សង្កាត់​ចោមចៅ ឯ​រោងចក្រ អ៊ីហ្វា ហ្គាមេន អ៊ិនដាស់ស្ទ្រាល (EFA Garment Industrial) មាន​កម្មករ​ប្រហែល ៨០០​នាក់ ស្ថិត​នៅ​ក្នុង​ភូមិ​ព្រៃទា សង្កាត់​ចោមចៅ ខណ្ឌ​ពោធិ៍សែនជ័យ។

កម្មករ​ផ្នែក​ដេរ​ម្នាក់​នៃ​រោងចក្រ UDA Garment Industrial លោក ស្រន ស្រស់ ឲ្យ​ដឹង​ថា ថៅកែ​រោងចក្រ​មិន​ទាន់​បើក​ប្រាក់​ឈ្នួល​ឲ្យ​កម្មករ​សម្រាប់​ខែ​មករា នៅ​ឡើយ​ទេ។ លោក​ថា នៅ​យប់​ថ្ងៃ​ទី​៨ កុម្ភៈ កម្មករ​នឹង​នាំ​គ្នា​បោះតង់​ដេក​លើ​ចិញ្ចើម​ផ្លូវ​មុខ​រោងចក្រ ដើម្បី​ការពារ​សម្ភារៈ ខ្លាច​មាន​កូនចៅ​របស់​ថៅកែ​រោងចក្រ​មក​លួច​ដឹក​សម្ភារៈ​ចេញ​ក្រៅ។ បើ​ទោះ​ជា​បែប​នេះ​ក្ដី កម្មករ​រូប​នេះ​មិន​រំពឹង​ថា សម្ភារៈ​ក្នុង​រោងចក្រ​អាច​មាន​តម្លៃ​លក់​ឡាយឡុង​គ្រប់​ចំនួន​ប្រាក់​ឈ្នួល​របស់​បុគ្គលិក​នោះ​ទេ ខណៈ​ដែល​រោងចក្រ យូហ្វា មាន​កម្មករ​ជាង ៨០០​នាក់៖ «»។

កម្មករ​រោងចក្រ​ទាំង​៣ បាន​ជ្រួលច្របល់​បាត់​ថៅកែ​រោងចក្រ​តាំង​ពី​យប់​ថ្ងៃ​ទី​៧ ខែ​កុម្ភៈ។ កម្មករ​ប្រាប់​ថា មូល​ហេតុ​ដែល​កម្មករ​ជ្រួលច្របល់​ដឹង​ថា បាត់​ថៅកែ​រោងចក្រ គឺ​នៅ​ពេល​ដែល​ឃើញ​អ្នក​រក​ស៊ី​ជាមួយ​រោងចក្រ​ទាំង​៣ បាន​មក​ទាមទារ​លុយ​ថៅកែ​ដែល​បាន​ចូល​ហ៊ុន​រក​ស៊ី​ជាមួយ​គ្នា។

ជាង​នេះ​ទៅ​ទៀត កម្មករ​ឲ្យ​ដឹង​ថា ថៅកែ​រោងចក្រ​ជា​ជន​ជាតិ​ចិន តែងតែ​បើក​លុយ​ឲ្យ​កម្មករ​នៅ​រៀងរាល់​ដើម​ខែ គឺ​ថ្ងៃ​ទី​៦ ប៉ុន្តែ​នៅ​ក្នុង​ខែ​មករា ថៅកែ​បាន​បើក​លុយ​ឈ្នួល​សម្រាប់​ខែ​ធ្នូ ឲ្យ​តែ ៧០​ភាគរយ នៅ ៣០​ភាគរយ មិន​ទាន់​បើក​ឲ្យ​ដោយ​សន្យា​ថា រង់ចាំ​បើក​សរុប​ជាមួយ​ប្រាក់​ឈ្នួល​ប្រចាំ​ខែ​មករា នៅ​ដើមខែ​កុម្ភៈ។ ប៉ុន្តែ​នៅ​ដើម​ខែ​កុម្ភៈ​នេះ កម្មករ​ប្រាប់​ថា បាត់​ទាំង​ថៅកែ បាត់​ទាំង​បុគ្គលិក​ជា​ជនជាតិ​ចិន ដែល​ជា​ថ្នាក់ដឹកនាំ​នៃ​រោងចក្រ​ទាំង​៣។

កាល​ពី​យប់​ថ្ងៃ​ទី​៧ កុម្ភៈ កម្មករ​បាន​នាំ​គ្នា​ជ្រួលច្របល់​ដល់​យប់​ជ្រៅ ប៉ុន្តែ​កម្មការិនី​បាន​នាំ​គ្នា​ទៅ​សម្រាក​នៅ​ផ្ទះ​ជួល ចំណែក​កម្មករ​វិញ នាំ​គ្នា​យាម​នៅ​រោងចក្រ ខ្លាច​មាន​ការ​ដឹក​ម៉ាស៊ីន​ដេរ និង​សម្ភារៈ​ចេញ​បន្ថែម​ទៀត។ កម្មករ​អះអាង​ថា ចាប់​ពី​ពេល​នេះ​តទៅ ពួកគេ​នឹង​មិន​អនុញ្ញាត​ឲ្យ​នរណា​ដឹក​ម៉ាស៊ីន ឬ​សម្ភារៈ​ចេញ​ពី​រោងចក្រ​ទាំង​៣​នេះ​ទេ ដោយ​រង់ចាំ​ការ​ដោះស្រាយ​ប្រាក់​ឈ្នួល​ជា​មុន​សិន។

ប្រធាន​សហព័ន្ធ​កម្មករ​ខ្មែរ​ជួយ​ខ្មែរ លោក ល៉ាំង សំបូរ ដែល​ត្រូវ​បាន​កម្មករ​ខ្លះ ស្នើ​សុំ​ឲ្យ​ជួយ​ឃ្លាំមើល និង​ទាមទារ​ផលប្រយោជន៍​ឲ្យ​កម្មករ សម្រាប់​រោងចក្រ​ទាំង​៣ និយាយ​ថា មន្ត្រី​នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​មក​ដោះស្រាយ​ជាមួយ​កម្មករ​កាល​ពី​ព្រឹក​ថ្ងៃ​ទី​៨ កុម្ភៈ ប៉ុន្តែ​រហូត​ដល់​ល្ងាច​ថ្ងៃ​ដដែល​នេះ នៅ​មិន​ទាន់​មាន​ដំណោះស្រាយ​នោះ​ទេ។ លោក​ថា មន្ត្រី​ក្រសួង​ការងារ បាន​ប្រាប់​កម្មករ​ថា ក្រសួង​ទុក​ពេល​ឲ្យ​ថៅកែ ៤៨​ម៉ោង ដើម្បី​ចូល​ខ្លួន​មក​ដោះស្រាយ​មុន​នឹង​កម្មករ​ប្ដឹង​ទៅ​តុលាការ ដើម្បី​សុំ​សិទ្ធិ​លក់​សម្ភារៈ​រោងចក្រ​ឡាយឡុង៖ «»។

ករណី​ថៅកែ​រត់ចោល​រោងចក្រ​នេះ មិន​មែន​ជា​រឿង​ថ្មី​ទេ​នៅ​ក្នុង​វិស័យ​កាត់ដេរ​នៅ​កម្ពុជា។ ក្រុម​កម្មករ​រិះគន់​រដ្ឋមន្ត្រី​ក្រសួង​ការងារ ថា បាន​បណ្ដែតបណ្ដោយ​ឲ្យ​ករណី​នេះ​កើត​ឡើង​ម្ដង​ហើយ​ម្ដង​ទៀត​ស្ទើរ​គ្រប់​រោងចក្រ ដោយ​គ្មាន​វិធានការ​ទប់ស្កាត់។ កម្មករ​មួយ​ចំនួន​បាន​ព្រមាន​ថា ប្រសិនបើ​ពួកគេ​មិន​ទទួល​បាន​ប្រាក់​ឈ្នួល និង​ប្រាក់​បំណាច់​នោះ​ទេ ពួកគេ​នឹង​ទាមទារ​ឲ្យ​រដ្ឋមន្ត្រី​ក្រសួង​ការងារ ចុះ​ចេញ​ពី​តំណែង ព្រោះ​គ្មាន​សមត្ថភាព​ទប់ស្កាត់​ករណី​ថៅកែ​រត់​ចោល​រោងចក្រ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

KY RITHY

ពី P PENH

មិច​មិនថាគណបក្សប្រឆាំងជាអ្នកដឹកនាំធ្វើបាតុកម្មទៀតទៅអា!បើ អស់​គណបក្សប្រឆាំងដឹកនាំធ្វើបាតុកម្មហើយ​មានតែគណបក្សប្រជាជនកម្ពុជាជា
អ្នកដឹកនាំធ្វើបាតុកម្ម។ពួកអាសំគិះដើរចោតគេតាប្ដេសតាប្តាស់៕

Feb 10, 2018 01:08 AM

personal cult dictator VS out of business

Don't blame to all Chinese business men after gotten free taxes"western amnesty tariff taxes",there are a lot of Chinese's light industrial like garment factory moved into Cambodia since the first day of amnesty tariff taxes established for horrible man Hun Sen govm't.Many Chinese firms see a good opportunities for them in the name of amnesty tariff taxes to do business with dictator HunSen's govm't.Most of Chinese garment factories made of two ways benefit...1-brought their all garment produced from China and labeled them in Cambodia"in the name of amnesty tariff taxes/made in Cambodia",2-all their products in Cambodia have to import to overseas,that why they made in billions $$"criminal scams business with di-HS",with the rest were payless workers and bribed all HunSen's pundits officials to take care their Chines business men if something going wrong"hits,beaten anybody or employees who against their goodwill".Now, the bad situation to do the business with di-HS fascist govm't are getting worst and worst everyday with hundreds of foreign firms try to escape from this evil HS' rogue govm't before something big happens sooner rather later"the smart firms don't risk their business in conflict zone".THIS SITUATION WILL GETTING WORST AND WORST"SANCTIONS VS dictatorship rule",so very Cambodian pple must take pre-caution and who's the hell u against it?,who gonna to blame?and who gonna to responsible? be smart khmer pple...

Feb 09, 2018 05:13 PM

អ្នក​អាន​អនាមិក

រោងចក្របិទទ្វា នៅមានជាបន្តបន្ទាប់ទៀត នេះដោយសាររដ្ឋាភិបាល ហ៑ុន សែន ពុករលួយ សុីលុយក្រោមតុ ច្រើនពេក !

Feb 08, 2018 09:30 PM

គេហទំព័រ​ទាំងមូល