រដ្ឋ​ផ្ដល់​សេវា​រថយន្តក្រុង​ឥត​គិតថ្លៃ​សម្រាប់​អ្នក​ធ្វើ​ដំណើរ​៧​ខេត្ត​​ក្នុង​ឱកាស​បុណ្យចូលឆ្នាំ

ដោយ សេក បណ្ឌិត
2018-04-02
អ៊ីម៉ែល
មតិ
Share
បោះពុម្ព
៥-កុម្ភៈ-២០១៤៖ អ្នក​ដំណើរ​ដើរ​ឆ្លង​កាត់​រថយន្ត​ក្រុង។
៥-កុម្ភៈ-២០១៤៖ អ្នក​ដំណើរ​ដើរ​ឆ្លង​កាត់​រថយន្ត​ក្រុង។
Photo: RFA

មេដឹកនាំ​របប​ក្រុងភ្នំពេញ​ប្រកាស​ដាក់​ឱ្យ​ដំណើរការ នូវ​សេវា​រថយន្តក្រុង​ឥតគិតថ្លៃ​សម្រាប់​អ្នក​ធ្វើ​ដំណើរ​តាម​ផ្លូវ​ជាតិ​លេខ​១ និង​លេខ ៥ ក្នុង​ឱកាស​ពិធីបុណ្យ​ចូល​ឆ្នាំ​ថ្មី​ខាងមុខ បន្ថែម​កា​រលើ​ការ​ជិះ​រថយន្តក្រុង​សាធារណៈ​ដោយ​ឥតគិតថ្លៃ​ក្នុង​រាជធានី​ភ្នំពេញ។

អ្នកឃ្លាំមើល​បញ្ហា​សង្គម​សាទរ​ចំពោះ​ការសម្រេច​នេះ ប៉ុន្តែ​ស្នើ​ឱ្យ​មាន​វិធានការ​ជាក់លាក់​បន្ថែម​ទៀត​ចំពោះ​ក្រុមហ៊ុន​ដឹក​អ្នកដំណើរ​ណា ដែល​ដំឡើងថ្លៃ​ហួសហេតុ នៅ​ក្នុង​ឱកាស​ពិធីបុណ្យ​ជាតិ​សំខាន់ៗ។

ប្រធាន​អង្គការ​គណនេយ្យភាព​សង្គម​កម្ពុជា លោក សន ជ័យ ថ្លែង​ថា ការ​យក​រថយន្តក្រុង​របស់​រដ្ឋ​ទៅ​ដឹក​អ្នកដំណើរ​ដោយ​ឥតគិតថ្លៃ ក្នុង​ឱកាស​បុណ្យទាន​សំខាន់ៗ​នោះ គឺជា​រឿង​ដ៏​ល្អ ព្រោះ​ក្រុមហ៊ុន​ដឹកជញ្ជូន​ឯកជន តែងតែ​ដំឡើង​ថ្លៃ​ខ្ពស់​កប់​ពពក ធ្វើ​ឱ្យ​ពលរដ្ឋ​ខ្មែរ​អ្នក​ធ្វើ​ដំណើរ​ភាគច្រើន​ដែល​មាន​ជីវភាព​មិនសូវ​ធូរធារ​ស្រាប់ នាំគ្នា​ត្អូញត្អែរ​អំពី​បញ្ហា​នេះ។ «»

លោកនាយក​រដ្ឋមន្ត្រី ហ៊ុន សែន នៅ​ក្នុង​ឱកាស​ជួប​ជាមួយ​ក្រុម​គ្រូ​-បង្រៀន និង​មន្ត្រី​អប់រំ​រាជធានី​ភ្នំពេញ នៅ​ព្រឹក​ថ្ងៃទី១ មេសា បាន​ប្រកាស​ថា ចាប់ពី​ថ្ងៃទី១២ ដល់​ទី​១៨ ខែ​មេសា ខាងមុខ ប្រជាពលរដ្ឋ​អាច​ជិះ​រថយន្តក្រុង​ដោយ​ឥតគិតថ្លៃ​ក្នុង​រាជធានី​ភ្នំពេញ និង​ពី​ភ្នំពេញ​ទៅតាម​បណ្ដា​ខេត្ត​តាម​ផ្លូវ​ជាតិ​លេខ ១ និង​លេខ៥។ លោក ហ៊ុន សែន ថ្លែង​ថា ការ​ធ្វើ​បែបនេះ​ដើម្បី​កុំ​ឱ្យ​ក្រុមហ៊ុន​ដឹកជញ្ជូន​ឯកជន​ដំឡើងថ្លៃ។

អ្នកឃ្លាំមើល​បញ្ហា​សង្គម​លោក សន ជ័យ ថ្លែង​ថា រដ្ឋាភិបាល​គួរ​ធ្វើ​បែប​នេះ​ឱ្យ​បាន​រាល់​ឆ្នាំ មិនមែន​ធ្វើ​តែ​ឆ្នាំនេះ ដែល​ជា​ឆ្នាំ​បោះឆ្នោត​ដើម្បី​ទាក់​ទាញ​យក​ប្រជាប្រិយភាព​នោះ​ទេ ហើយ​មិន​គួរ​ធ្វើ​ចំពោះតែ​អ្នកដំណើរ​លើ​ផ្លូវ​ជាតិ​លេខ ១ និង​លេខ ៥ ដែរ គឺ​គួរតែ​ធ្វើ​ឱ្យ​បាន​ច្រើន​ផ្លូវ​ជាង​នេះ។ ម្យ៉ាងវិញទៀត លោក​ទទូច​ឱ្យ​អាជ្ញាធរ​ត្រូវតែ​ចាត់វិធានការ​ឱ្យ​បាន​តឹងរ៉ឹង​ចំពោះ​ក្រុមហ៊ុន​ដឹកជញ្ជូន​ឯកជន​ណា ដែល​មិន​អនុវត្ត​តាម​ការ​ណែនាំ​របស់​អាជ្ញាធរ ដោយ​នៅតែ​ដំឡើងថ្លៃ​ខ្ពស់​ក្នុង​ឱកាស​ពិធីបុណ្យ​សំខាន់ៗ​ដដែល​នោះ។

ឡានក្រុង​សាធារណៈ​ដែល​សាលា​រាជធានី​ភ្នំពេញ​ត្រៀម​សម្រាប់​ដឹក​ពលរដ្ឋ​ក្នុងអំឡុងពេល​ពិធីបុណ្យ​ចូលឆ្នាំ​ខ្មែរ​នោះ មាន​ចំនួន ៦០ គ្រឿង និង​មាន​ដាក់​ផ្លាក​សញ្ញា​ថា រាជធានី​ភ្នំពេញ។

ទីតាំង​សម្រាប់​ពលរដ្ឋ​ដែល​ចង់​ជិះ​រថយន្តក្រុង​ដោយ​ឥតគិតថ្លៃ​តាម​បណ្ដោយ​ផ្លូវជាតិ​លេខ ១ គឺ​នៅ​ផ្លូវ ៦០​ម៉ែត្រ ក្បែរ​ក្រុមហ៊ុន​ឡាន​ម៉ែកសឺដេស (ម្ដុំ​ចាក់អង្រែ) ចំណែក​ពលរដ្ឋ​ដែល​ចង់​ធ្វើដំណើរ​តាម​ផ្លូវ​ជាតិ​លេខ ៥ ដោយ​ឥតគិតថ្លៃ​វិញ គឺ​ត្រូវ​ឡើង​ជិះ​រថយន្ត​នៅ​ម្ដុំ​អូឌឹម​នៃ​ផ្លូវជាតិ​លេខ ៤ ឆ្ពោះ​ទៅ​ផ្លូវជាតិ​លេខ ៥ ឬក៏​អាច​ឡើង​ជិះ​រថយន្ត​នៅ​ចំណុច​ទីលាន​ប្រជាធិបតេយ្យ​ថ្មី​ផ្លូវជាតិ​លេខ ៥។

ខេត្ត​ដែល​នៅ​តាម​ដង​ផ្លូវ​ជាតិ​លេខ ១ រួមមាន​ខេត្ត​កណ្ដាល ព្រៃវែង និង​ស្វាយរៀង ចំណែក​ខេត្ត​ដែល​នៅ​តាម​ដង​ផ្លូវ​ជាតិ​លេខ ៥ រួមមាន ខេត្ត​កំពង់ឆ្នាំង ពោធិ៍សាត់ បាត់ដំបង និង​បន្ទាយមានជ័យ៕

កំណត់ចំណាំ​ចំពោះអ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

anti-hatred dictator HunSen sent the message to burn dictator's effigy...until di.HunSen out of the throne...

Something free ride or free die today, before national election coming on July,2018,but don't forget to vote for me"HS",and if everybody don't do what i say...there everything would be back to the samething"pay me back".The smart thing to all khmer people take all what he offering u before election coming and everybody knew that...but stop to stupid anymore and vote to the smart candidate who u trust with respect,charisma,good man,intelligent,wisdom,inspiration,care the people and country first.

Apr 02, 2018 12:14 PM

គេហទំព័រ​ទាំងមូល