គ.ជ.ប​ស្នើ​បក្ស​ប្រឆាំង​ពិនិត្យ​សំណើ​ហែ​ក្បួន​ឃោសនា​ឡើង​វិញ​នៅ​ថ្ងៃ​ចុង​ក្រោយ

ដោយ អ៊ុង សេរីវុទ្ធ
2017-05-30
អ៊ីម៉ែល
មតិ
Share
បោះពុម្ព
អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក ហង្ស ពុទ្ធា ក្នុង​កិច្ច​ប្រជុំ​ផ្សព្វផ្សាយ​អំពី​ដំណើរ​ការ​ចុះ​ឈ្មោះ​បោះឆ្នោត នៅ​ថ្ងៃ​ទី​១៤ ខែ​កញ្ញា ឆ្នាំ​២០១៦។ RFA/Cheu Sideth
អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក ហង្ស ពុទ្ធា ក្នុង​កិច្ច​ប្រជុំ​ផ្សព្វផ្សាយ​អំពី​ដំណើរ​ការ​ចុះ​ឈ្មោះ​បោះឆ្នោត នៅ​ថ្ងៃ​ទី​១៤ ខែ​កញ្ញា ឆ្នាំ​២០១៦។ RFA/Cheu Sideth
RFA/Cheu Sideth

គណៈកម្មការ​រៀបចំ​ការ​បោះឆ្នោត​រាជធានី​ភ្នំពេញ (...) ស្នើ​គណបក្ស​ឲ្យ​ប្រឆាំង​ពិនិត្យ​លើ​សេចក្ដី​ជូន​ដំណឹង​ហែ​ក្បួន​ឃោសនា​រក​សំឡេង​ឆ្នោត​ជ្រើសរើស​ក្រុមប្រឹក្សា​ឃុំ-សង្កាត់ នៅ​ថ្ងៃ​ចុងក្រោយ​ឡើង​វិញ ដើម្បី​បញ្ចៀស​ការ​កក​ស្ទះ និង​ការ​ប្រឈម​មុខ​ដាក់​គ្នា​នឹង​ក្បួន​ដង្ហែ​របស់​បក្ស​កាន់​អំណាច។

អ្នកនាំពាក្យ​គ.ជ.ប លោក ហង្ស ពុទ្ធា ឲ្យ​អាស៊ីសេរី​ដឹង​នៅ​ថ្ងៃ​ទី៣០ ឧសភា ថា ការ​មិន​ទាន់​សម្រេច​ចំពោះ​សេចក្ដី​ជូន​ដំណឹង ពី​ការ​ហែ​ក្បួន​ឃោសនា​របស់​គណបក្ស​សង្គ្រោះជាតិ សម្រាប់​ថ្ងៃ​ទី២ មិថុនា ក្រោម​ហេតុផល​ថា តម្រាយដង្ហែ​ក្បួន​លើ​ផ្លូវ​មួយ​ចំនួន​របស់​បក្ស​ប្រឆាំង ជាន់​គ្នា​នឹង​បក្ស​កាន់​អំណាច ហើយ​បក្ស​នេះ​ជូន​ដំណឹង​មក​ក្រោយ​បក្ស​កាន់​អំណាច​ផង។

លោក ហង្ស ពុទ្ធា អះអាង​ថា គ.ជ.ប​នឹង​ពិនិត្យ​សេចក្ដី​ជូន​ដំណឹង​ពី​ការ​ហែ​ក្បួន​របស់​គណបក្ស​សង្គ្រោះជាតិ​ម្ដង​ទៀត​នៅ​ថ្ងៃ​ទី៣១ ឧសភា ដែល​គ.ធ.ខ.ប​ផ្ដល់​ជម្រើស​​ ៣ គឺ​បែង​ចែក​ពេលវេលា​ហែ​ក្បួន​ខុស​ពី​គណបក្ស​ប្រជាជន បែង​ចែក​តម្រាយ​ផ្លូវ​ឲ្យ​ដាច់​ពី​គ្នា ឬ​ដូរ​ថ្ងៃ​ហែ​ក្បួន​ឃោសនា​ឡើង​វិញ។

ឆ្លើយ​តប​នឹង​សំណើ​នេះ ប្រធាន​គណៈកម្មាធិការ​ប្រតិបត្តិ​គណបក្ស​សង្គ្រោះជាតិ​រាជធានី​ភ្នំពេញ លោក ម៉ន ផល្លា ថ្លែង​​ថា ក្រុម​ការងារ​របស់​លោក​នឹង​ប្រជុំ​ពិនិត្យ និង​ដាក់​សំណើ​ម្ដង​ទៀត ដើម្បី​បញ្ជាក់​ជំហរ​របស់​ខ្លួន​សម្រាប់​ក្បួន​ឃោសនានៅ​ថ្ងៃ​ដដែរ​នោះ បើទោះបីជា តម្រាយ​ផ្លូវ​​មួយចំនួន​ជាន់​គ្នា​នឹង​ក្បួន​របស់​គណបក្ស​កាន់​អំណាច​ក្ដី៖ «តាម​ផែន​ទី​ដែល​ខ្ញុំ​កែ​សម្រួល (ក្បួន​បក្ស​ប្រជាជន និង​សង្គ្រោះជាតិ) មិន​អាច​ជួប​គ្នា​ទេ ដោយ​សារ​ខ្ញុំ​បត់​ឆ្វេង ទៅ​តាម​ផ្លូវ​កម្ពុជា​ក្រោម ហើយ​គណបក្ស​នយោបាយ​ដើរ​មួយ​ចំហៀង​ម្នាក់។ ខ្ញុំ​គិត​ថា គ្មាន​បញ្ហា​ទេ យើង​ធ្លាប់​ហែ​ប៉ះ​គ្នា​អញ្ចឹង​ដែរ តែ​ខ្ញុំ​អត់​យល់ ដែល​គ...ប​ស្នើ​បក្ស​សង្គ្រោះជាតិ​ឲ្យ​ហែ​ក្បួន​នៅ​ពេល​រសៀល ដើម្បី​បញ្ចៀស​បញ្ហា​ប្រឈម​នានា​នៅ​ពេល​ហែ​ក្បួន»

តម្រាយ​ដង្ហែ​ក្បួន​របស់​បក្ស​ទាំង​ពីរ​ ជាន់​គ្នា​ត្រង់​ចំណុច​មហាវិថី​ព្រះ​មុនីវង្ស ជិត​រង្វង់​មូល​ខាង​លិច​នៃ​ស្ពាន​ជ្រោយ​ចង្វារ បត់​ឆ្វេង​​ទៅ​រង្វង់​មូល​អង់តែន​ទួលគោក ឆ្ពោះ​ទៅ​កាន់​ស្ពាន​អាកាស​ពេទ្យ​លោកសង្ឃ ប៉ុន្តែ​ទីតាំង និង​ម៉ោង​ចេញ​ក្បួន​របស់​បក្ស​ទាំង​ពីរ​ខុស​គ្នា។ ក្បួន​របស់​បក្ស​ប្រជាជន​ចេញ​ពី​ទីតាំង​ផ្លូវ​៦០​ម៉ែត្រ សង្កាត់​ចាក់​អង្រែលើ ខណ្ឌ​មានជ័យ នៅ​ម៉ោង​៦​ព្រឹក ខណៈ​ក្បួន​បក្ស​ប្រឆាំង​ចេញ​ពី​ទីតាំង​ទីលាន​ប្រជាធិបតេយ្យ​ចាស់ ឆ្ពោះ​មក​ផ្លូវ​ព្រះមុនីវង្ស នៅ​ម៉ោង​ដូចគ្នា។

នៅ​ថ្ងៃ​ទី៣០ ឧសភា នេះ អាជ្ញាធរ​រាជធានី​ភ្នំពេញ ចេញ​សេចក្ដី​ជូន​ដំណឹង​មួយ ដោយ​ស្នើ​ពលរដ្ឋ​រស់​នៅ​​តាម​តម្រាយ​ផ្លូវ ឬ​ឆ្លង​កាត់​ក្បួន​ឃោសនា​របស់​គណបក្ស​ប្រជាជន​កម្ពុជា​រាជធានី​ភ្នំពេញ​​នៅ​ថ្ងៃ​នោះ ឲ្យ​បញ្ចៀស​ចរាចរ​បណ្ដោះអាសន្ន​ចាប់​ពី​ម៉ោង៦​ព្រឹក ដល់​ក្បួន​បញ្ចប់៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

អ្នក​អាន​អនាមិក

CCP’s High-Rank Officials are ready to take off

What we are going to disclose today is the secret information believed to be absolutely true. To date, there have been only a few people who have known about this, but they seemed to have no chance to make it publicly.

This has happened a few years ago when the Cambodian National Rescue Party accused to accept the result of the national election by boycotting to take part in the National Assembly in 2013 and decided to demonstrate on the streets in 2013-2014.

Seeing this unsteady situation, an old lady from CCP, whose name was known as an acronym of “Y. P”, one of the wealthiest land occupants in Cambodia, has secretly planned to flee her families to Australia by leaving behind her co-partner, being the most powerful female in Cambodia, the person with whom she always accompanies in every public event. She has told her close friends here that it does not matter how much it costs, as long as they can flee the country for safety by transferring all the significant assets stack by stack, due to the fact that she has no confident in the situation.

May 30, 2017 05:56 PM

គេហទំព័រ​ទាំងមូល