បក្ស​សង្គ្រោះ​ជាតិ​កោះ​ហៅ​អ្នកស្រី ឡាក់ សុភាព ចូល​បំភ្លឺ

ដោយ ម៉ម មុនីរតន៍
2014-12-29
អ៊ីម៉ែល
មតិ
Share
បោះពុម្ព
ប្រធាន​គណបក្ស​សង្គ្រោះ​ជាតិ លោក សម រង្ស៊ី (ស្ដាំ) និង​លោក​អនុ​ប្រធាន កឹម សុខា ក្នុង​មហា​បាតុកម្ម​នៅ​ទីលាន​ប្រជាធិបតេយ្យ​កាល​ពី​ព្រឹក​ថ្ងៃ​ទី​១៥ កញ្ញា ឆ្នាំ​២០១៣។
ប្រធាន​គណបក្ស​សង្គ្រោះ​ជាតិ លោក សម រង្ស៊ី (ស្ដាំ) និង​លោក​អនុ​ប្រធាន កឹម សុខា ក្នុង​មហា​បាតុកម្ម​នៅ​ទីលាន​ប្រជាធិបតេយ្យ​កាល​ពី​ព្រឹក​ថ្ងៃ​ទី​១៥ កញ្ញា ឆ្នាំ​២០១៣។
RFA

មន្ត្រី​ជាន់​ខ្ពស់​គណៈកម្មការ​វិន័យ​របស់​គណបក្ស​សង្គ្រោះ​ជាតិ បញ្ជាក់​ថា ខ្លួន​បាន​កោះ​ហៅ​អ្នកស្រី ឡាក់ សុភាព មក​សាកសួរ​រួច​ហើយ កាល​ពី​ព្រឹក​ថ្ងៃ​ទី​២៩ ខែ​ធ្នូ ក្រោយ​ពី​លេច​ធ្លាយ​​រឿង​ចោទ​ប្រកាន់​ថា មាន​អំពើ​ពុករលួយ​នៅ​ក្នុង​បក្ស។

មូលហេតុ​ដែល​នាំ​ឲ្យ​គណបក្ស​ប្រឆាំង​ដ៏​ធំ​មួយ​នេះ កោះ​ហៅ​សមាជិក​ជាន់​ខ្ពស់​មក​សាកសួរ គឺ​បន្ទាប់​ពី​រក​ឃើញ​ថា អ្នកស្រី ឡាក់ សុភាព មាន​ជាប់​ពាក់ព័ន្ធ​ការ​ចោទ​ប្រកាន់​ថ្នាក់​ដឹកនាំ​គណបក្ស និង​បរិហារកេរ្តិ៍​ថា គណបក្ស​កំពុង​បែកបាក់​សាមគ្គី​ផ្ទៃ​ក្នុង​បក្ស​តាម​បណ្ដាញ​សារព័ត៌មាន។

ប្រធាន​គណៈកម្មការ​វិន័យ​របស់​គណបក្ស​សង្គ្រោះ​ជាតិ ព្រមាន​ថា នឹង​ចាត់​វិធាន​ដ៏​តឹងរ៉ឹង​ពុំ​ធ្លាប់​មាន ប្រឆាំង​អ្នកស្រី ឡាក់ សុភាព នៅ​ថ្ងៃ​ទី​៣០ ខែ​ធ្នូ ប្រសិនបើ​អ្នកស្រី​នៅ​តែ​ពុំ​បង្ហាញ​ព័ត៌មាន​ឲ្យ​​បាន​ជាក់លាក់​ជុំវិញ​ការ​ចោទ​ប្រកាន់​ប្រឆាំង​ថ្នាក់​ដឹកនាំ​ពី​បទ​ប្រព្រឹត្ត​អំពើ​ពុករលួយ និង​អំពី​គណបក្ស​កំពុង​ខ្វែង​គំនិត​គ្នា​ដែល​អាច​ឈាន​ទៅ​រក​ផ្លូវ​បំបែក​នៅ​ពេល​ខាង​មុខ។

លោក អ៊ូ ច័ន្ទឫទ្ធិ ប្រធាន​គណៈកម្មការ​វិន័យ ឲ្យ​ដឹង​ថា ស្ថាប័ន​ជំនាញ​របស់​ខ្លួន​បាន​កោះ​ហៅ​អ្នកស្រី ឡាក់ សុភាព ឲ្យ​ឆ្លើយ​បំភ្លឺ​រួច​ហើយ កាល​ពី​ព្រឹក​ថ្ងៃ​ទី​២៩ ធ្នូ នៅ​ការិយាល័យ​បក្ស។លោក​ព្រមាន​ថា អ្នកស្រី ឡាក់ សុភាព អាច​នឹង​ត្រូវ​ប្រឈម​មុខ​ដាក់​ទោស​ធ្ងន់ធ្ងរ​ចំពោះ​អ្វី​ដែល​បាន​កើត​ឡើង​នេះ និង​ចាំបាច់​ត្រូវ​​ទទួល​ខុស​ត្រូវ​ជុំវិញ​រឿងរ៉ាវ​ដែល​បាន​ផ្សព្វផ្សាយ។ បើ​ទោះ​ជា​បែប​ណា លោក​ពុំ​ទាន់​បញ្ជាក់​ឲ្យ​បាន​ពិត​ប្រាកដ​នៅ​ឡើយ​ទេ ថា​តើ​អ្នកស្រី ឡាក់ សុភាព អាច​នឹង​ត្រូវ​បណ្ដេញ​ចេញ​ពី​ក្នុង​បក្ស ឬ​ក៏​អាច​ប្រឈម​មុខ​នឹង​តុលាការ​នោះ​ទេ។

លោក អ៊ូ ច័ន្ទឫទ្ធិ គ្រាន់​តែ​អះអាង​ថា សំណុំរឿង​នេះ​នឹង​ត្រូវ​អនុវត្ត​ទៅ​តាម​បទបញ្ជា​ផ្ទៃក្នុង​នៃ​គណៈកម្មការ​វិន័យ​របស់​គណបក្ស៖ «វា​ប៉ះពាល់​ធ្ងន់ធ្ងរ​ដល់​មេដឹកនាំ​គណបក្ស​សង្គ្រោះ​ជាតិ ក៏​ដូច​ជា​គណបក្ស​សង្គ្រោះ​ជាតិ។ដូច្នេះ​យើង​នឹង​ចាត់​វិធានការ​ទៅ​តាម​​ទម្ងន់​នៃ​ការ​ប៉ះពាល់​មក​លើ​គណបក្ស​សង្គ្រោះ​ជាតិ​នេះ»

រហូត​មក​ដល់​ពេល​នេះ វិទ្យុ​អាស៊ីសេរី មិន​អាច​ទាក់ទង​អ្នកស្រី ឡាក់ សុភាព ដើម្បី​បំភ្លឺ​បាន​ទេ ដោយសារ​លេខ​អ្នកស្រី​គ្រប់​ប្រព័ន្ធ​ត្រូវ​បាន​​បិទ។

ពាក់ព័ន្ធ​រឿង​នេះ លោក អ៊ូ ច័ន្ទឫទ្ធិ ថ្លែង​ដោយ​ស្រង់​សម្ដី​របស់​អ្នកស្រី ឡាក់ សុភាព ដែល​ឆ្លើយ​នៅ​ចំពោះ​មុខ​គណៈកម្មការ​វិន័យ កាល​ពី​ព្រឹក​ថ្ងៃ​ទី​២៩ ធ្នូ ថា អ្នកស្រី​ពុំ​បាន​និយាយ​​អ្វី​មិន​ល្អ​ពី​ថ្នាក់​ដឹកនាំ ឬ​ពី​អំពើ​ពុករលួយ​នៅ​ក្នុង​បក្ស​ឡើយ។ លើស​ពី​នេះ រឿង​បាក់​បែក​ផ្ទៃ​ក្នុង​បក្ស​ក៏​ពុំ​បាន​និយាយ​ថែម​ទៀត​ផង តាម​បណ្ដាញ​សារព័ត៌មាន។

បើ​ទោះ​ជា​អ្នកស្រី ឡាក់ សុភាព ដែល​ជា​សមាជិក​គណៈកម្មការ​នាយក​គណបក្ស​សង្គ្រោះ​ជាតិ អះអាង​ថា ពុំ​បាន​លើកឡើង​ពី​ភាព​ប្រេះឆា​ផ្ទៃ​ក្នុង​បក្ស និង​អំពើ​ពុករលួយ​ក្ដី ក៏​សំឡេង​ខ្សែអាត់​របស់​អ្នកស្រី​ត្រូវ​បាន​ផ្សព្វផ្សាយ​ជា​សាធារណៈ ដោយ​លើក​ឡើង​ថា ទាំង​នៅ​ក្នុង​ប្រទេស និង​ក្រៅ​ប្រទេស សមាជិក​គណបក្ស​ក៏​មិន​សូវ​ស៊ី​សង្វាក់​គ្នា​ដែរ ជា​ពិសេស ការ​បែងចែក​អំណាច ការ​រើសអើង​រវាង​អ្នក​ជាប់​ឆ្នោត និង​អ្នក​មិន​ជាប់​ឆ្នោត។

អ្នកស្រី​យល់​ថា បញ្ហា​នេះ​គឺ​ជា​ការ​ផុយ​ស្រួយ និង​បែកបាក់​នៃ​គណបក្ស​សង្គ្រោះ​ជាតិ។ ជាង​នេះ​ទៀត អ្នកស្រី​ថ្លែង​ថា នៅ​ក្នុង​កិច្ចប្រជុំ​គណៈកម្មការ​នាយក​កាល​​ពី​កន្លង​ទៅ​នេះ លោក កឹម សុខា បាន​ទម្លាយ​រឿង​បាត់​លុយ​ប្រមាណ ២០​លាន​ដុល្លារ ក្នុង​ចំណោម​ថវិកា​សរុប ៤០​លាន​ដុល្លារ​ដែល​លោក សម រង្ស៊ី បាន​ទទួល។

វិទ្យុ​អាស៊ីសេរី ពុំ​អាច​សុំ​ការ​បំភ្លឺ​រឿង​នេះ​ពី​លោក កឹម សុខា បាន​ទេ នៅ​ថ្ងៃ​ទី​២៩ ធ្នូ។

លោក សន ជ័យ អ្នក​សម្របសម្រួល​បណ្ដាញ​រួបរួម​គណនេយ្យភាព​សង្គម​ប្រចាំ​អាស៊ី​បូព៌ា និង​ប៉ាស៊ីហ្វិក ចាត់​ទុក​ថា គណបក្ស​សង្គ្រោះ​ជាតិ អាច​នឹង​ប្រឈម​ដ៏​គ្រោះ​ថ្នាក់​នៅ​ពេល​ខាង​មុខ ប្រសិន​បើ​គណបក្ស​ប្រឆាំង​នេះ ពុំ​បាន​រៀបចំ​គម្រោង​ថវិកា​ឲ្យ​មាន​តម្លាភាព​ទេ។ ក្រៅ​ពី​នេះ គណបក្ស​ដែល​ធ្លាប់​តែ​រិះគន់​ដៃគូ​ប្រកួតប្រជែង គឺ​គណបក្ស​កាន់អំណាច ថា​មាន​ភាព​មិន​ស្អាតស្អំ​នោះ ផ្ទុយ​ទៅ​វិញ​បែរ​ជា​រឿង​នេះ​ជា​បន្ទុក​របស់​ខ្លួន គឺ​អាច​នឹង​ប៉ះពាល់​ដល់​ប្រជាប្រិយភាព៖ «បើ​សិន​ជា​គណបក្ស​មាន​រឿង​ពុករលួយ ពេល​នោះ​នឹង​មិន​អាច​ប្រជែង ឬ​ក៏​ឈាន​ទៅ​កាន់កាប់​រដ្ឋាភិបាល​បាន​ទេ នៅ​ពេល​ដែល​អំពើ​ពុករលួយ​វា​ជា​ឧបសគ្គ​មួយ​​ដ៏​ធ្ងន់»

លោក អ៊ូ ច័ន្ទឫទ្ធិ ប្រធាន​គណៈកម្មការ​វិន័យ​គណបក្ស​សង្គ្រោះ​ជាតិ បញ្ជាក់​ថា ស្ថាប័ន​ជំនាញ​របស់​លោក​ទុក​ពេល​ឲ្យ​អ្នកស្រី ឡាក់ សុភាព មួយ​ល្ងាច​ទៀត នៅ​ថ្ងៃ​ទី​២៩ ធ្នូ ដើម្បី​បំភ្លឺ​តាម​បណ្ដាញ​ព័ត៌មាន ទោះ​តាម​មធ្យោបាយ​ណា​មួយ​ក៏ដោយ។ លោក​បន្ត​ថា បើ​ពុំ​មាន​ការ​បកស្រាយ​ទេ នៅ​ថ្ងៃ​ទី​៣០ ធ្នូ គណៈកម្មការ​វិន័យ​នឹង​ចាត់​វិធានការ​តាម​គោលការណ៍​នៃ​បទបញ្ជា​ផ្ទៃក្នុង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (11)
Share

អ្នក​អាន​អនាមិក

វាមិនមែនជារឿងចំឡែកទេ គេក៏មានច្រើនលើសពីនេះរាប់មិនអស់, អ្វីដែលសំខាន់នោះ តើមនុស្សដែលត្រូូវគេទិញក្បាលនោះអាចប្រើការបានឬក៏អត់ ជាដង្កូវក្នុងសាច់អាចមានពងក្នុងសាច់ច្រើនទេ អាចធ្វើរឲ្យសាច់រលួយឬអត់ ហើយអ្នកជម្ងឺអាចព្យាបាលបំបាត់ដង្កូវឬអត់!

Dec 31, 2014 11:37 PM

Thorng Sarath

This poor lady demanding more luxury item from ruthless dictator Hun Sen...everybody known h.Sen's brutal SAMKOK political strategy did all this duty political in the past and present day...is nothing new and nothing work .The money from foreign aid have flown into bogeyman H.Sen's hand to do a duty political to break up to any parties who disloyalty to CCP .In the future the ccp left-radical criminal conspiracy politics will face a justice for khmer pple .They violated the khmer's national constitutional and the law of the land and H.Sen will not survived after next election...he knows well what next round will be his last standpoint and will face off .He knew CNRP is the best outstanding party and not too easier to break them up like FUNCPEC who sold their party souled in 1993s .Maybe Hun Sen's thinks only himself as the best one who can buying or use SAMKOK brutal rule to destroy to its opponent .But H.Sen has to know who would rule the earth after he gone to hell soon " inner cycle/karma will get u soon rather latter ".

Dec 31, 2014 06:44 PM

Paul

ពី WA

i told you that there is sallvation in no one else!There is no other name in all of heaven for people to call on to save them.my families and i have been redeemed and saved physically and spiritually by the name of JESUS, the CHRIST, the true redeemer and Savior, now we all living in the very Justice, Equality,Freedom, and Liberty country where/which well known as the USA.the question is how can a sinful leader save a sinful people? or how can a blind leader lead blind people? now read this "If the righteous are rewarded here on earth, how much more true that the kicked and the sinner will get what they deserve!"(proverbs 11:31)" Good people are quided by their honesty;treacherous people are destroyed by their dishonesty.as for me and my families will declare "The LORD is the source of all my righteousness and strength."And all who were angry with Him will come to Him and be a shamed. In the LORD all my generations will be justified, and in Him they will boast. How about this" Godliness exalts a nation,but sin is a disgrace to any people" That's why IN HIM WE Trust!we are so blessed folks!we do love you, we don't want to see you wasting time living in suffering, destruction and dying since you have been calling all names to be saved, the name of angles through the national anthem, the name of dead kings, the names you ever known to save you, but where are you at now? abundant life or a destruction, dying to death?prosperity(bless)or poverty(course)? a peace(indscribable one)or a panic/chaos?. wake up! and get up!can those names help you or hurt?have you been helped or hurt?be honest with your answer, if you call(cry out)to the name of JESUS He will save you as an individual, family, community, and the entire of the country, then the neighbor countries will surrender to ours. you can not find or experience peace unless you have the prince of peace to be your own Lord and Savior.Oh my people trust in Him in all times.Pour out your heart to Him for God is our refuge.finally, if you need the indescribable peace, true justice, freedom, equality and liberty you must make a wise choise to vote, the key is to prray to The LORD ask Him to show you a godly person to lead you, then you will definitely experience the above mentioned ones.

Dec 30, 2014 07:21 AM

អ្នក​អាន​អនាមិក

How did this Jesus Christ crap get in here?

Dec 31, 2014 01:14 PM

អ្នក​អាន​អនាមិក

ពី Oregon

ប្រជាពលរដ្ឋនៅតែបោះឆ្នោតប្រឆាំង ហ៊ុនសែន។ព្រោះចង់បានលិទ្ធិប្រជាធិបតី។

Dec 30, 2014 12:16 AM

អ្នក​អាន​អនាមិក

ពី WA

អំពើពុករលួយជាឧបសគ្គដែលរាំងស្ទះអ្វីៗគ្រប់យ៉ាង បើវាកើតមានមែននោះ ចង់ឪលទ្ទិប្រជាធិបតេយ្យទៀតក៏ទៅមិនរួចដែរ ។ ឈប់ព្រុសទៅសត្វសេក ។ សង្ឃឹមថារឿងនេះវាមិនពិតទៅចុះ ។

Dec 30, 2014 12:24 PM

អ្នក​អាន​អនាមិក

កាលពីធ្វើបាតុកម្មកន្លងមកនេះ ខ្ញុំបានជួបនិងជជែក ជាមួយអ្នកស្រី ឡាន់សុភាពដែរ បើតាមស្តាប់សំដីរបស់គាត់ហាក់មានភាពរឹងជាមួយនិងសង្រ្គោះជាតិណាស់។ តើពេលនេះមានកត្តាអ្វីដែលជំរុញចិត្តអ្នកស្រីបែបនេះទៅវិញ? រឺក៏អ្នកស្រីគេទិញបានហើមែនទេ?

Dec 29, 2014 08:45 PM

Roth

តើគេទិញឬក៏ជាការពិតដែលគាត់ដឹងហើយអត់ទ្រាំមិននិយាយមិនបាន?

Dec 30, 2014 12:54 AM

មើល​មតិ​ទាំង​អស់.

គេហទំព័រ​ទាំងមូល