អយ្យការ​សាលា​ដំបូង​ខេត្ត​រតនគិរី​គ្រោង​កោះ​ហៅ​ភាគី​ពាក់ព័ន្ធ​ប្ដឹង​អ្នក​កាសែត ដេលី

ដោយ រដ្ឋា វិសាល
2017-05-31
អ៊ីម៉ែល
មតិ
Share
បោះពុម្ព
ផែនទី​ខេត្ត​រតនគិរី។
ផែនទី​ខេត្ត​រតនគិរី។
Photo: RFA

ព្រះរាជអាជ្ញា​សាលាដំបូង​ខេត្ត​រតនគិរី លោក ជា ពេជ្រ ឲ្យ​ដឹង​នៅ​ថ្ងៃ​ទី​៣១ ខែ​ឧសភា ថា ភាគី​ដើម​ចោទ​ ចុង​ចោទ រួម​ទាំង​សាក្សី នឹង​ត្រូវ​កោះហៅ​ឲ្យ​មក​បង្ហាញ​អង្គហេតុ​ទាក់ទិន​បណ្ដឹង​របស់​ប្រជាពលរដ្ឋ និង​មន្ត្រី​ឃុំ​ប៉ាតេ ដែល​ចោទ​ប្រកាន់​អ្នក​កាសែត ឌឹ ខេមបូឌា ដេលី (The Cambodia Daily) ពីរ​នាក់ កាល​ពី​សប្ដាហ៍​មុន។

លោក ជា ពេជ្រ៖ «បើ​ឃើញ​មាន​ភស្តុតាង​គ្រប់គ្រាន់​យើង​នឹង​ចាត់​ការ​តាម​ច្បាប់ បើ​មិន​មាន​ទេ យើង​ក៏​នឹង​ចាត់ការ​តាមច្បាប់​ដែរ។ រាល់​ពេល​អញ្ជើញ​ត្រូវ​អនុលោម​ទៅ​តាម​វេលា​នៃ​ច្បាប់​កំណត់»

កាល​ពី​ថ្ងៃ​ទី​២២ ខែ​ឧសភា ប្រជាពលរដ្ឋ​រស់​នៅ​ភូមិ​គងយុ និង​ភូមិ​គងធំ រួម​ទាំង​មេ​ឃុំ​ប៉ាតេ បាន​ដាក់​ពាក្យ​ប្ដឹង​អ្នក​យក​ព័ត៌មាន​កាសែត​ពីរ​នាក់ គឺ​លោក អូន ភាព និង​ជនជាតិ​កាណាដា គឺ​លោក ស៊ុមបឺរ ភីតធ័រ (Zsombor Peter) បន្ទាប់​ពី​អ្នក​ទាំង​ពីរ​ចូល​មក​ក្នុង​ភូមិ ហើយ​សួរ​អ្នក​ភូមិ និង​មន្ត្រី​ឃុំ​ដែល​ដើម​បណ្ដឹង​ចាត់​ទុក​ថា មាន​ចេតនា​ញុះញង់ និង​រំលោភ​សិទ្ធិ​រក្សា​ការ​សម្ងាត់​បោះឆ្នោត​ក្នុង​ពេល​គណបក្ស​នយោបាយ​កំពុង​ឃោសនា​បោះឆ្នោត។

ពាក្យ​បណ្ដឹង​នោះ​ធ្វើ​ឡើង​ពីរ​ច្បាប់ មួយ​ច្បាប់​ដាក់​ជូន​គណៈកម្មការ​រៀបចំ​ការ​បោះឆ្នោត​​ឃុំ​ប៉ាតេ និង​មួយ​ច្បាប់​ទៀត ដាក់​ជូន​ការិយាល័យ​អយ្យការ​សាលាដំបូង​ខេត្ត។ដោយ​ឡែក​បណ្ដឹង​នៅ​គណៈកម្មការ​រៀបចំ​ការ​បោះឆ្នោត​ឃុំ​ប៉ាតេ ដើម​បណ្ដឹង​យល់​ព្រម​បញ្ឈប់​ការ​ប្ដឹង​នោះ​វិញ​ហើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល