ខ្មែរ​អាច​ឆ្លង​ដែន​ដោយ​មិន​បង់​ថ្លៃ​ទិដ្ឋាការ​ទៅ​ប្រទេស​៥​ក្នុង​សហគមន៍​អាស៊ាន

នៅ​ឆ្នាំ​ថ្មី​២០១០ ប្រទេស​កម្ពុជា​មាន​ប្រទេស​ចំនួន​៥​ក្នុង​សហគមន៍​អាស៊ាន អនុញ្ញាត​ឲ្យ​មាន​ការ​ឆ្លង​ដែន​ដោយ​មិន​ចាំបាច់​បង់​ថ្លៃ​ទិដ្ឋាការ​ឡើយ។
ដោយ សេក បណ្ឌិត
2009-12-31
អ៊ីម៉ែល
មតិ
Share
បោះពុម្ព

អនុ​រដ្ឋលេខាធិការ​ក្រសួង​ការបរទេស​កម្ពុជា​និង​ជា​អ្នក​នាំ​ពាក្យ លោក កុយ គួង មាន​ប្រសាសន៍​ថា ប្រទេស​ទាំង​៥​នោះ មាន​ប្រទេស​វៀតណាម លាវ សិង្ហបុរី ហ្វីលីពីន​និង​ម៉ាឡេស៊ី។ លោក​បន្ត​ថា នៅ​ចុង​ឆ្នាំ​២០១០ កម្ពុជា​រំពឹង​ថា នឹង​មាន​ប្រទេស​ថៃ​មួយ​ទៀត​ដែល​ពលរដ្ឋ​ទាំង​ពីរ​ឆ្លង​ដែន​ដោយ​មិន​ចាំបាច់​បង់​ថ្លៃ​ទិដ្ឋាការ។

លោក កុយ គួង មាន​ប្រសាសន៍​ដូច្នេះ ៖ «នៅ​ក្នុង​ឆ្នាំ​២០១០​នេះ តាម​គម្រោង​នៃ​កិច្ច​ប្រជុំ​ថ្នាក់​រដ្ឋមន្រ្តី​ការបរទេស​កន្លង​មក​នេះ​គឺ​ថា យើង​នឹង​ត្រៀម​ចុះ​ហត្ថលេខា​លើ​កិច្ច​ព្រមព្រៀង​ទិដ្ឋាការ​ចំពោះ​អ្នក​កាន់​លិខិត​ឆ្លង​ដែន​ធម្មតា​ជាមួយ​រាជាណាចក្រ​ថៃ។ តាម​គម្រោង​យើង​នឹង​ចុះ​ហត្ថលេខា​នៅ​ឆ្នាំ​២០១០​នេះ នៅ​ស្រប​ពេល​នឹង​ខួប​៦០​ឆ្នាំ​នៃ​ទំនាក់ទំនង​ការទូត​រវាង​រាជាណាចក្រ​ទាំង​ពីរ ហ្នឹង​តាម​គម្រោង»

លោក កុយ គួង ពន្យល់​ពី​ការ​ឆ្លង​ដែន​ដោយ​មិន​បង់​ថ្លៃ​ថា ៖ «ការ​លើក​លែង​ទិដ្ឋាការ​ចំពោះ​លិខិត​ឆ្លង​ដែន​ធម្មតា​ហ្នឹង គឺ​ពលរដ្ឋ​ប្រទេស​ទាំង​១០ ដោយ​មាន​កិច្ច​ព្រមព្រៀង​ជាមួយ​គ្នា​ហ្នឹង ជា​ពិសេស​គឺ​ត្រូវ​តែ​មាន​លិខិត​ឆ្លង​ដែន​ត្រឹមត្រូវ ដែល​មាន​សុពលភាព​ត្រឹមត្រូវ ដែល​ជា​ទូទៅ​គឺ​រយៈពេល​ឲ្យ​បាន​នៅ​សល់​យ៉ាង​តិច​៦​ខែ​មុន​លិខិត​ឆ្លង​ដែន​ហ្នឹង​ផុត​កំណត់ ហើយ​ឆ្លង​កាត់​ព្រំដែន​គឺ​គ្រាន់​តែ​ខាង​ប៉ូលិស​អន្តោប្រវេសន៍​នៃ​ប្រទេស​សមី​ហ្នឹង គាត់​ប្រថាប់​ត្រា​ចេញ ប្រថាប់​ត្រា​ចូល​ប៉ុណ្ណោះ​ឯង។ ជា​គោលការណ៍​រួម កាលណា​អត់​យក​ទិដ្ឋាការ​ហ្នឹង​ហើយ គឺ​អត់​មាន​បង់​លុយ​អី​ទេ»

ដោយ​ឡែក​ទំនាក់ទំនង​ការទូត​រវាង​ប្រទេស​វៀតណាម-​កម្ពុជា នៅ​ដើម​ឆ្នាំ​២០១០ ប្រទេស​ទាំង​ពីរ​បាន​បង្កើន​ចំនួន​ថ្ងៃ​ក្នុង​ទិដ្ឋាការ​ដល់​ភ្ញៀវ​ទេសចរ​ពី​១៤​ថ្ងៃ​រហូត​ដល់​៣០​ថ្ងៃ ហើយ​សម្រាប់​អ្នក​ធ្វើ​ការងារ​ឆ្លង​ដែន​ប្រទេស​ទាំង​ពីរ​មាន​រហូត​ទៅ​ដល់​១​ឆ្នាំ។ កម្ពុជា​ក៏​បាន​ស្នើ​សុំ​ឲ្យ​មាន​ការ​លើក​លែង​មិន​យក​ថ្លៃ​ទិដ្ឋាការ​ឆ្លង​ដែន​ទៅ​ប្រទេស​ក្នុង​សហគមន៍​អាស៊ាន​ចំនួន​៤​ទៀត ប៉ុន្តែ​មិន​ទាន់​បាន​ទទួល​ចម្លើយ​នៅ​ឡើយ៕

ព័ត៌មាន (2)
Share

អ្នក​អាន​អនាមិក

ខ្ញុំធ្លាប់ឆ្លងដែនទៅប្រទេសថៃ តាមច្រកព្រំដែនខេត្តកោះកុង។
ដោយសារតែលិខិតឆ្លងដែនរបស់ខ្ញុំថ្មី សមត្ថកិច្ចប្រចាំនៅទីនោះ
បានប្រាប់ថា ត្រូវបង់លុយ៣០០០០៛ ដើម្បីបង់ថ្លៃធ្វើប្រវត្តរូប។
តើវាជាច្បាប់ដែលតម្រូវអោយបង់ រឺ

Jan 01, 2010 11:35 AM

អ្នក​អាន​អនាមិក

No One wants to go to VN But only the entire Vietnames populations North and south, who always wanted to reside in the country of Cambodia.

Jan 01, 2010 08:22 AM

គេហទំព័រ​ទាំងមូល