តុលាការ​ខែត្រ​ស្វាយរៀង​ចេញ​ដីកា​ចាប់​ខ្លួន​សម​រង្ស៊ី

តុលាការ​ខេត្ត​ស្វាយរៀង​បាន​ចេញ​ដីកា​ជា​ផ្លូវការ​ហើយ​ដើម្បី​ចាប់​ខ្លួន​លោក សម រង្ស៊ី មេ​ដឹកនាំ​គណបក្ស​ប្រឆាំង ដែល​កំពុង​ស្ថិត​នៅ​ក្រៅ​ប្រទេស ក្រោម​បទ​បំផ្លាញ​ទ្រព្យ​សម្បត្តិ​សាធារណៈ​និង​បទ​ញុះញង់​ឲ្យ​មាន​ការ​រើសអើង​ជាតិ​សាសន៍ កាល​ពី​ខែ​តុលា​កន្លង​ទៅ​នេះ។
ដោយ សុខ សេរី
2009-12-31
អ៊ីម៉ែល
មតិ
Share
បោះពុម្ព
លោក សម រង្ស៊ី អតីត​ប្រធាន​គណបក្ស សម សង្ស៊ី​។
លោក សម រង្ស៊ី អតីត​ប្រធាន​គណបក្ស សម សង្ស៊ី​។
RFA

ប្រភព​ដែល​ជិតស្និទ្ធ​នឹង​តុលាការ​ខេត្ត​ស្វាយរៀង​បាន​មាន​ប្រសាសន៍​បញ្ជាក់​ថា ដីកា​នាំ​ខ្លួន​នោះ​បាន​ចេញ​ដោយ​តុលាការ​ខេត្ត​ស្វាយរៀង​ចុះ​ថៃ្ង​ទី​២៩ ខែ​ធ្នូ​ថ្មីៗ​នេះ។

លោក ជូង ជូងី ជា​មេធាវី​ការពារ​ក្តី​ឲ្យ​លោក សម រង្ស៊ី ក្នុង​សំណុំរឿង​នេះ បាន​មាន​ប្រសាសន៍​ប្រាប់​វិទ្យុ​អាស៊ីសេរី​ថា លោក​នឹង​បន្ត​ការពារក្តី​នេះ​តាម​នីតិ​វិធី​ច្បាប់។

លោក ជូង ជូងី បាន​បញ្ជាក់​ថា ៖ «ការពារ​សិទ្ធិ​របស់​គាត់​ទៅ​តាម​ផ្លូវ​ច្បាប់​គឺ​ការពារ​នៅ​ចំពោះ​មុខ​តុលាការ កាល​ណា​តុលាការ​ចោទ​ប្រកាន់​ចង់​ដាក់​ទោស​គាត់»

ប្រតិកម្ម​ទៅ​នឹង​ការ​តាម​ចាប់​ខ្លួន​ដោយ​តុលាការ​ខេត្ត​ស្វាយរៀង​នោះ លោក សម រង្ស៊ី មេ​ដឹកនាំ​នៃ​គណបក្ស​សមរង្ស៊ី បាន​មាន​ប្រសាសន៍​តាម​ទូរស័ព្ទ​ពី​ប្រទេស​បារាំង​មក​ថា លោក​មិន​ញញើត​នោះ​ទេ។

លោក សម រង្ស៊ី បាន​ថ្លែង​ថា ៖ «ពីព្រោះ​គេ​ចេញ​ក៏​ប៉ុណ្ណឹង គេ​មិន​ចេញ​ក៏​ប៉ុណ្ណឹង ខ្ញុំ​ទៅ​ក៏​ប៉ុណ្ណឹង ខ្ញុំ​មិន​ទៅ​ក៏​ប៉ុណ្ណឹង ខ្ញុំ​ថា​ម៉េច​ក៏​នៅតែ​ដដែល​ចំពោះ​គេ! ដូច្នេះ​ខ្ញុំ​មិន​ទៅ​លេង​សើច​ជាមួយ​នឹង​តុលាការ​អាយ៉ង​ហ្នឹង​ទេ!»

លោក ចាន់ សុវ៉េត ជា​មន្រ្តី​ស៊ើប​អង្កេត​ជាន់​ខ្ពស់​នៃ​អង្គការ​ការពារ​សិទ្ធិ​មនុស្ស​ក្រៅ​រដ្ឋាភិបាល ហៅ​កាត់​ថា អាដហុក បាន​មាន​ប្រសាសន៍​អត្ថាធិប្បាយ​ថា វា​ហាក់​ដូច​ជា​លឿន​ពេក​ក្នុង​ការ​ធ្វើ​ដូច្នោះ។

លោក ចាន់ សុវ៉េត បាន​មាន​ប្រសាសន៍​ថា ៖ «រហូត​មក​ដល់​ពេល​នេះ​ខ្ញុំ​មិន​ទាន់​បាន​ឃើញ​ដីកា​ហ្នឹង​នៅ​ឡើយ​ទេ តែ​ទោះ​យ៉ាង​ណា​ក៏​ដោយ​ក៏​យើង​ដឹង​ថា តុលាការ​ខេត្ត​ស្វាយរៀង​បាន​ព្យាយាម​និង​ខំ​ប្រឹង​កិច្ចការ​របស់​ខ្លួន​តាម​របៀប​មួយ​គេ​ហៅ​ថា នីតិ​វិធី ប៉ុន្តែ​នីតិ​វិធី​នេះ​ហាក់បី​ដូច​ជា​ផ្លោះ​ច្រើន»

ការ​ចេញ​ដីកា​នាំ​ខ្លួន​ឬ​ចាប់​ខ្លួន លោក សម រង្ស៊ី នោះ គឺ​ក្រោយ​ពេល​ដែល​តុលាការ​ខេត្ត​ស្វាយរៀង​បាន​បដិសេធ​យ៉ាង​ដាច់ខាត​ទៅ​លើ​សំណើ​របស់​លោក សម រង្ស៊ី តាមរយៈ​មេធាវី​របស់​លោក​នៅ​ក្នុង​ការ​សុំ​ពន្យារ​ពេល​នៃ​ការ​សាកសួរ​ទៅ​ថៃ្ង​ក្រោយ​ទៀត នៅ​គ្រា​ដែល​តុលាការ​ខេត្ត​ស្វាយរៀង​នោះ​បាន​កោះហៅ​ឲ្យ​លោក សម រង្ស៊ី ឲ្យ​ចូល​ខ្លួន​ទៅ​បំភ្លឺ​នៅ​មុខ​តុលាការ​កាល​ពី​ថៃ្ង​ទី​២៩ ខែ​ធ្នូ​កន្លង​ទៅ​នេះ។

លោក សម រង្ស៊ី ត្រូវ​បាន​តុលាការ​ខេត្ត​ស្វាយរៀង ចោទ​ប្រកាន់​ក្រោម​បទ​ព្រហ្មទណ្ឌ​ថា បាន​បំផ្លាញ​ទ្រព្យ​សម្បត្តិ​សាធារណៈ​នៃ​ការ​ដក​តម្រុយ​បង្គោល​ព្រំដែន​កម្ពុជា​វៀតណាម លេខ​១៨៥ នៅ​ក្នុង​ភូមិ​កោះក្បាន​កណ្តាល ឃុំ​សំរោង ស្រុក​ចន្រ្ទា ខេត្ត​ស្វាយរៀង កាល​ពី​ថៃ្ង​ទី​២៥ ខែ​តុលា​កន្លង​ទៅ​នេះ។

យ៉ាង​ហោច​ណាស់​ប្រជាពលរដ្ឋ​ខ្មែរ​ចំនួន ២​នាក់ គឺ​លោកស្រី មាស ស្រី និង​លោក ព្រំ ជា បាន​រង​ការ​ចាប់​ឃុំខ្លួន​កាល​ពី​ថៃ្ង​ទី​២៣ ខែ​ធ្នូ​កន្លង​ទៅ​នេះ ដោយ​តុលាការ​ខេត្ត​ស្វាយរៀង​ក្រោម​បទ​បំផ្លាញ​ទ្រព្យ​សម្បតិ្ត​សាធារណៈ​ជាមួយ​លោក សម រង្ស៊ី នោះ​ដែរ ក្រោយ​ពី​តុលាការ​បាន​សាកសួរ​រួច​ហើយ​នៅ​ពេល​នេះ៕

ព័ត៌មាន (17)
Share

អ្នក​អាន​អនាមិក

Mr. Sam Rainsy, Please bring the border issue to the international Court.

Jan 02, 2010 11:17 PM

អ្នក​អាន​អនាមិក

Good Hun Sen, You always protect Vietnamese's interests.

Jan 02, 2010 11:13 PM

អ្នក​អាន​អនាមិក

this is ridiculous that a brave man want to defend our territory, and become a criminal, I think somes judge in Cambodia have to do something to keep their job, their live even though the do not want....this is the live with Cambodia government to extent their live in our country

Jan 02, 2010 01:57 PM

អ្នក​អាន​អនាមិក

អ្នកធ្វើនយោបាយមិនត្រូវរត់ចោលប្រជាជនរងគ្រោះនោះទេ!

Jan 02, 2010 07:21 AM

អ្នក​អាន​អនាមិក

The travesty!
Should we expect the fairness of justice? In his absence the Inter-Union-IPU Parliementaire "European encourages the grip on the function itself Parliamentary so on behalf of the people. The" Burma II "in sight!

Jan 02, 2010 06:13 AM

មើល​មតិ​ទាំង​អស់.

គេហទំព័រ​ទាំងមូល