ក្រុមហ៊ុន​ចិន​២​ចុះ​ហត្ថលេខា​សាងសង់​ផ្លូវ​រថភ្លើង​ពី​កោះកុង​ទៅ​ព្រះវិហារ

ក្រុមហ៊ុន​ឯកជន​ចំនួន ២ របស់​ប្រទេស​ចិន នៅ​ថ្ងៃ​ទី​៣១ ខែ​ធ្នូ បាន​ចុះ​ហត្ថលេខា​ដើម្បី​ចាប់​ផ្ដើម​សាងសង់​ផ្លូវ​រថភ្លើង​ថ្មី​មួយ​ខ្សែ​ពី​កំពង់ផែ​សង់​ថ្មី​លើ​កោះ​មួយ​នៅ​ខេត្ត​កោះកុង ឆ្ពោះ​ទៅ​កាន់​ខេត្ត​ព្រះវិហារ។
ដោយ សុខ សេរី
2012-12-31
អ៊ីម៉ែល
មតិ
Share
បោះពុម្ព
៣១-ធ្នូ-២០១២៖ តំណាង​ក្រុមហ៊ុន​ចិន ២ ចុះ​ហត្ថលេខា​លើ​កិច្ច​ព្រមព្រៀង​សាងសង់​ផ្លូវ​រថភ្លើង​ថ្មី​ពី​កោះកុង​ទៅ​ព្រះវិហារ និង​សាងសង់​រោងចក្រ​ស្ល​ដែក​នៅ​ខេត្ត​ព្រះវិហារ នា​រាជធានី​ភ្នំពេញ។
៣១-ធ្នូ-២០១២៖ តំណាង​ក្រុមហ៊ុន​ចិន ២ ចុះ​ហត្ថលេខា​លើ​កិច្ច​ព្រមព្រៀង​សាងសង់​ផ្លូវ​រថភ្លើង​ថ្មី​ពី​កោះកុង​ទៅ​ព្រះវិហារ និង​សាងសង់​រោងចក្រ​ស្ល​ដែក​នៅ​ខេត្ត​ព្រះវិហារ នា​រាជធានី​ភ្នំពេញ។
RFA/Sok Serey

ផ្លូវ​រថភ្លើង​ថ្មី​នេះ​នឹង​សាងសង់​ឆ្លង​កាត់​ខេត្ត​ចំនួន ៥។ ស្រប​ពេល​នេះ​ដែរ ក្រុមហ៊ុន​ចិន គ្រោង​សាងសង់​រោងចក្រ​ស្លដែក​ដ៏​ធំ​មួយ​ទៀត នៅ​ខេត្ត​ព្រះវិហារ ដែល​មាន​តម្លៃ​ជា​ច្រើន​ពាន់​លាន​ដុល្លារ​អាមេរិក ដើម្បី​នាំ​ចេញ​ទៅ​លក់​នៅ​បរទេស។

គម្រោង​សាងសង់​ផ្លូវ​រថភ្លើង​ថ្មី​ដែល​មាន​ប្រវែង​ជាង ៤០០​គីឡូម៉ែត្រ​នោះ គឺ​ត​ភ្ជាប់​ពី​ខេត្ត​ព្រះវិហារ កាត់​តាម​ខេត្ត​កំពង់ធំ ខេត្ត​កំពង់ឆ្នាំង ខេត្ត​កំពង់ស្ពឺ និង​ខេត្ត​កោះកុង ដែល​ស្រប​ពេល​នេះ​ក្រុមហ៊ុន​ចិន គ្រោង​សាងសង់​កំពង់ផែ​សមុទ្រ​មួយ​ទៀត ដើម្បី​ដឹក​ជញ្ជូន​នាំ​ចេញ​ផលិត​ផល​ដែកថែប​ពី​កម្ពុជា ទៅ​បរទេស។

មន្ត្រី​ជាន់​ខ្ពស់​របស់​ក្រុមហ៊ុន​ចិន បាន​ឲ្យ​ដឹង​ថា គម្រោង​សាងសង់​ផ្លូវ​រថភ្លើង​ថ្មី​នោះ គឺ​ចំណាយ​រយៈពេល​ចំនួន​ជាង ៤​ឆ្នាំ ចាប់​ផ្ដើម​ពី​ឆ្នាំ​២០១៣ ទៅ ដែល​មាន​ស្ថានីយ​រថភ្លើង​ចំនួន ១១​កន្លែង។ ចំណែក​កំពង់ផែ​ថ្មី​ដែល​នឹង​សាងសង់​នៅ​ខេត្ត​កោះកុង នោះ មាន​សមត្ថភាព​ផ្ទុក​ទម្ងន់​បាន​ជាង ៥០​លាន​តោន​ក្នុង ១​ឆ្នាំៗ។

ប្រភព​ពី​មន្ត្រី​ក្រុមហ៊ុន​ចិន បាន​ឲ្យ​ដឹង​ដឹង​ថា ក្រុមហ៊ុន​ចិន ទាំង​២ ដែល​មាន​ឈ្មោះ ឆាយណា រ៉េលវ៉េ ហ្គ្រុប (China Railway Group) និង​ក្រុមហ៊ុន​ឈ្មោះ ខេមបូឌា អាយរ៉ុន អែន ស្ទៀល ម៉ាញនីង អ៊ិនដាស់ស្រ្ទី ហ្គ្រុប (Cambodia Iron & Steel Mining Industry Group) គ្រោង​សាងសង់​រោងចក្រ​ស្លដែក​ថែប និង​ដែក​ធម្មតា នៅ​ខេត្ត​ព្រះវិហារ។

ជា​រួម​គម្រោង​សាងសង់​ផ្លូវ​រថភ្លើង​ថ្មី​នោះ និង​គម្រោង​សាងសង់​កំពង់ផែ​ថ្មី​នៅ​ខេត្ត​កោះកុង ព្រម​ទាំង​គម្រោង​សាងសង់​រោងចក្រ​ស្ល​ដែក​នៅ​ខេត្ត​ព្រះវិហារ នោះ គឺ​ត្រូវ​ចំណាយ​ថវិកា​សរុប​ចំនួន​ជាង ៩.៦០០​លាន​ដុល្លារ​អាមេរិក។

ដោយ​ឡែក​ការ​សាងសង់​រោងចក្រ​ស្ល​ដែក​នៅ​ខេត្ត​ព្រះវិហារ​នោះ គឺ​ត្រូវ​ចំណាយ​ថវិកា​សរុប​ចំនួន​ជាង ១.៦០០​លាន​ដុល្លារ​អាមេរិក នៅ​លើ​ផ្ទៃដី​សរុប​ជាង ១.៣០០​គីឡូម៉ែត្រ​ក្រឡា នៅ​ក្នុង​ចំណោម​ទុន​សរុប​ជាង ៩.៦០០​លាន​ដុល្លារ​អាមេរិក​នោះ។ រោងចក្រ​ស្ល​ដែក​នេះ​មាន​សមត្ថភាព​ផលិត​ដែក​ថែប​នៅ​កម្ពុជា ចំនួន​ជាង ១​លាន​តោន​ក្នុង​មួយ​ឆ្នាំៗ សម្រាប់​រយៈពេល ៣​ឆ្នាំ​ដំបូង។

រដ្ឋមន្ត្រី​ក្រសួង​សាធារណការ និង​ដឹក​ជញ្ជូន លោក ត្រាំ អ៊ីវតឹក ដែល​បាន​មក​ធ្វើ​ជា​អធិបតី​នៃ​ការ​ចុះ​ហត្ថលេខា​នេះ បាន​មាន​ប្រសាសន៍​ថា ការ​វិនិយោគ​ទុន​នេះ គឺ​ជួយ​ជំរុញ​កំណើន​សេដ្ឋកិច្ច​កម្ពុជា យ៉ាង​សម្បើម។

លោក ត្រាំ អ៊ីវតឹក៖ «យើង​ខ្ញុំ​សូម​កោត​សរសើរ​ចំពោះ​ការ​យក​ចិត្ត​ទុក​ដាក់​របស់​ក្រុមហ៊ុន China Iron នេះ ដែល​ម្យ៉ាង​បាន​មក​ស្រាវជ្រាវ​ដើម្បី​មក​ធ្វើ​អាជីវកម្ម​លើ​ធនធាន​រ៉ែ ហើយ​បាន​អញ្ជើញ​ក្រុមហ៊ុន China Railway Group នេះ​ដើម្បី​មក​សហការ​គ្នា​សម្រាប់​ការ​វិនិយោគ។ ធ្វើ​ម៉េច​ឲ្យ​ការ​ធ្វើ​អាជីវកម្ម​រ៉ែ និង​ការ​ដឹក​ជញ្ជូន​ហ្នឹង ធ្វើ​ឡើង​ប្រកប​ដោយ​ប្រសិទ្ធភាព»

ជាមួយ​គ្នា​នេះ អគ្គនាយក​រង​នៃ​ក្រុមហ៊ុន​ចិន លោក ជូ ម៉េងប៊ូ (Zhou Meng Bo) បាន​មាន​ប្រសាសន៍​ជា​ភាសា​ចិន ហើយ​ត្រូវ​បាន​ប្រែ​សម្រួល​ជា​ភាសា​ខ្មែរ​ថា ការ​វិនិយោគ​ទុន​នេះ គឺ​ជា​ការ​ពង្រឹង​ចំណង​ទាក់ទង​យ៉ាង​រឹងមាំ​រវាង​កម្ពុជា និង​ចិន៖ «បង្កើន​ការ​អភិវឌ្ឍ​សេដ្ឋកិច្ច​ក្នុង​តំបន់ ដែល​ផ្លូវ​ដែក​នោះ​បាន​ឆ្លង​កាត់ លើក​ស្ទួយ​កម្រិត​ជីវភាព​ប្រជាជន ព្រម​ទាំង​ការ​អភិវឌ្ឍ​នៅ​តាម​តំបន់​ផ្លូវ​ដែក»។

តំណាងរាស្ត្រ​គណបក្ស សម រង្ស៊ី លោក សុន ឆ័យ បាន​មាន​ប្រសាសន៍​ថា ការ​វិនិយោគ​ទុន​នេះ គប្បី​ធ្វើ​ឡើង​ដោយ​តម្លាភាព និង​ផល​ប្រយោជន៍​ពិត​ប្រាកដ​ដល់​កម្ពុជា៖ «ហើយ​ឲ្យ​មាន​គុណភាព​ជា​គោល​បំណង​របស់​យើង។ ខ្ញុំ​មិន​ទាន់​ជឿ​ថា ទឹក​ប្រាក់​ដល់​រាប់​ពាន់​នេះ ជា​ទឹក​ប្រាក់​ពិត​ប្រាកដ ដែល​ត្រូវ​យក​មក​សាងសង់​អ្វី​ជា​សំណង់​តាម​ការ​អះអាង​នេះ​នៅ​ឡើយ​នោះ​ទេ»

នេះ​គឺ​ជា​ការ​វិនិយោគ​ទុន​របស់​ក្រុមហ៊ុន​ចិន ១០០% នៅ​កម្ពុជា ដោយ​គ្មាន​ភាគ​ហ៊ុន​នៃ​ក្រុមហ៊ុន​ក្នុង​ស្រុក​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

KKK

ពី QLD, AU

Will $9.6bn generate lots of jobs for Cambodians? As far as I know, all Chinese construction companies who are investing construction in Cambodia, use 100% Chinese labours from managers to cleaners. They do not employ local labours at all. The Cambodian government shall not overlook Cambodian labour laws and shall enforce them to recruit Cambodian engineers, technicians and skilled workers to work for this large project.

Jan 03, 2013 12:33 AM

អ្នក​អាន​អនាមិក

ខេត្តកុះកុង និង ខេត្តព្រះវិហារ សំបូររ៉ែនិងព្រៃឈើជាងគេ
ប្រយ័ត្នចិនកើបដាក់រថភ្លើងអស់វ៉ើយ។

Jan 01, 2013 08:17 PM

vine

ពី KPS

នយោបាយរបស់ចិនគឺពង្រឹងអំនាចមេដឺកបែបយោធាជាសំងាត់ ចូលចិត្តអភិវឌ្ឍមន្រី្តធំៗ ដូចជានៅអាហ្រិ្វក និងនៅប្រទេសក្រីក្រផ្សេងទៀត។​ ការអភិវឌ្ឍន៏បែបរយពេលយូរ និងធ្វើឲប្រជាជនម្នាក់ៗមានជីវភាពខ្ពស់ មិនមានទេសំរាប់ចិន ។​ផលប្រយោជន៏ដែលចិនយកមកវិញ គឺធនធានធម្មជាតិ រ៉ែមាស ដែក ប្រេងកាត ហ្គាសដើម្បីផ្គត់ផ្គង់ប្រជាជនរបស់គេ។​ សោកស្តាយណាស់ដែលចិនកាន់ជំហរក្រោមចិន។​យើងធ្វើខុសម្តងជាមួយចិននៅសម័យខ្មែរក្រហម។​ឥឡូវយើងត្រលប់មករកនយោបាយនឺងទៀត។​​អានឺងមកពីមេដឺកនាំយើងចង់ពង្រឺងអំនាចរយពេលយូរ។​

Jan 01, 2013 01:10 AM

Eagle Master

ពី Pa(USA)

Kampuchea will be prepared to see Chinese illegal imigrants whenever publices interfracture completed build.

Dec 31, 2012 11:08 PM

Castro De La Monreo

ពី Paris , France

Wow, if this project is the real investment Cambodia gonna established a lots new jobs for our generations. I knew that chinesse investers are smart enough. So government agents should be carefully from word to word in agreement don't them use our blood or workers lose their benefits. We are living very short life on this world don't just money closes all your eyes.

Dec 31, 2012 05:03 PM

មើល​មតិ​ទាំង​អស់.

គេហទំព័រ​ទាំងមូល